Келнер (3г.тр)

Врши подготвителни работи во угостителскиот објект и во салата за послужување и применува кодекс на облекување; пречекува и прима гости, прима порачки и послужува гости со примена на угостителските техники на послужување; приготвува и послужува отворени, флаширани и мешани пијалаци и напитоци; врши пресметка на услуги и испраќа гости; работи во согласност со нормативите и гарантира за квалитетот на работа и услугите, како и извршува работи во согласност со прописите за заштита на работната средина и на околината.

Готвач (3г.тр.)

Приготвува прехранбени продукти за финализирање на различни видови готварски производи: ладни и топли предјадења, супи, чорби и потажи, основни сосови и фондови, јадења од месо, риби и ракови и морски плодови, прилози, вегетаријански јадења, салати, слаткарски производи, национални јадења, правилна храна; сервира, декорира и испорачува јадења во соодветни садови; води и ажурира евиденција за работата во кујната, работи во согласност со нормативите и гарантира за квалитетот на работа и услуги, како и извршува работи во согласност со прописите за заштита на работната средина и на околината.

Угостителски Техничар (4г.тр)

Извршува работни задачи во кулинарство и угостителско послужување со цел задоволување на барањата на корисниците на услугите; составува план и организација за работата за подготвување и послужување храна и пијалаци, составува понуда за храна и пијалаци, подготвува и послужува различни видови храна и пијалаци.

Угостителски техничар за рурален туризам (4г.тр)

Извршува работни активности во угостителскиот објект или селското домаќинство, поврзани со престој на туристите во руралната средина; го планира целокупното уредување на објектот, собите за гости, дворот, фармата, градината; креира понуда и калкулира цени за сместување и исхрана на гостите; подготвува и послужува храна и пијалаци; врши промотивни активности, продажба и наплата на туристичките услуги; се грижи за растителното и сточарското производство во домаќинството.

Хотелско-туристички техничар (4г.тр)

Извршува работни задачи на агенциски и рецепционерски службеник со цел задоволување на барањата на клиентите; резервација на услуги и софтверски програми во угостителско-туристичкото работење, креирање производи и услуги по желба на клиентот; врши работни задачи при пречекување, сместување и испраќање гости во угостителскиот објект и пресметување цени на угостителско – туристички производи и услуги.

Хотелско-ресторански техничар(4г.тр)

Планира, организира, координира, надгледува и управува со работата на персоналот на рецепција,во ресторанот и во хотелското домаќинство.Учествува во спроведување на работните задачи во угостителските објекти од различен вид и со различна големина кои обезбедуваат сместување, храна и пијалаци во согласност со општествените и еколошките прописи.Учествува во дефинирање на хотелските услуги,нивното промовирање и продажба.Го планира и поттикнува работењето на вработените. Подготвува извештаи и анкети со примена на ИКТ и сличен софтвер во секојдневното работење и во деловната кореспонденција.Комуницира со гостите и деловните партнери со примена на правилата за деловна комуникација.